OLLANDO O REFUXIO DO CASCON

Nun só recordo

vén o tento do antonte

no mesmo sobrado frío, 

aló, na mesma fraga,

nos netos dos mesmos paxaros,

no illó das mesmas augas.

Tamén os mesmos camiños,

Só eu, xa non mesma,

evocando todo aquel sol.

                                                                                                    Medos Romero

Outono na Ribeira do Bispo (Río abaixo)

O río dos meus soños.
Esta brisa máxica do outono, de tardes cortas todavía,  Camiñando en silencio, ollando as cores da natureza, que conmoven os sentidos e nos enchen de luz o corazón.
Quero ter para ti as miñas verbas máis sinceras, recordar os outonos camiñando polas beiras de ríos e regatos, mentres vexo empobrecer o corazón da xente. Acontece entón que as miñas lembranzas no son as túas. A pesar de todo cando chega o outono e volto a pasear polos nosos ríos teño unha lembranza agarimosa

POEMAS AO OUTONO
Agora que é Outono, miña amiga,
miña amante e sinxela compañeira,
habémonos chegar deica a ribeira
onde a brisa deixou unha cantiga.

E que sexa Outono quen nos diga
os segredos que ten a sementeira,
como se foi espindo a carballeira
e que promesas granarán na espiga.

Nós sabémonos puros e cumpridos
ao sentirnos tan un e tan xunguidos
nesta paisaxe lene e musical.

¿Non lembras, en Outonos xa vividos,
ao río retratar no seu cristal
os soños que coidábamos perdidos...?

                                         Manuel María

Outono na area de lecer da Ponte Segade

Outono na fraga do Salustio

Papeleira

Papeleira na area de lecer de Fonte Cubelas

2ª Xornada de Inspección do río Sor.

Hoxe Nordés, a Asociación de Desenvolvemento das Terras da Faladora, xunto coa Asociación Cultural "O Son do Sor" organizan unha actividade no maravilloso entorno do río Sor, concretamente no lugar da Ponte Segade (Mañón) e con hora de comenzo ás 11 da mañá.
A devandita actividade consiste nunha ruta interpretativa guiada por Antonio Martínez, técnico en xestión e organización dos recursos naturais, co obxectivo de que os asistentes coñezan, ou escomencen a coñecer, as diferentes especies de árbores e prantas que se poden atopar polo entorno.
Despois do xantar, que será na zoa recreativa da mesma Ponte Segade, procederase á inspección do río Sor, 2ª que se fai dentro da campaña de primaveira do Proxecto Ríos, no cal Nordés inscribiu a este río para saber da súa situación actual e, si fose necesario por conta de atoparse algún problema, plantexar medidas correctoras.
A inspección estará nesta ocasión dirixida por Efi Penabade, bióloga, monitora do Proxecto Ríos é, coma Antonio Martínez, membros de Nordés.

As carballeiras do río Sor

A vella, fermosa carballeira,

pon en nós un inquedo

tremor respetuoso:

cada carballo é un ser vivo

que canta, sofre e ama.

A súa sombra é un enigma

no que non podemos penetrar

doadamente. E a súa voz,

rouca e cambiante, ten

un tremor escuro de salmodia.

¿Qué mensaxe nos quere transmitir

o seu canto humano e vexetal?

                                   Manuel María

O río Sor ao seu paso polo refuxio do Cascón.

A ponte Ulló

Refuxio do Cascón

Fonte de Cubelas (O Vicedo)

Outono na area de lecer do Muiño do Salustio

Area de lecer da Ponte Segade 

Vista do río Sor e do refuxio do Cascón 

 Area de lecer de Augas Caidas

 

Pinar da praia e do río Esteiro

Praia e pinar de Esteiro (O Barqueiro)