En lembranza de María pequena

Alindaba na vaca, na beira do río, e de cando en vez, botaba unha toqueada

E lle falaban as berzas

e lle susurraban en sonos

seica nos esquecidos ollos

Coma serpes mansas

estiveron os canhotos

coidando cas súas lembranzas 

foran so antergos recordos

                                                    Bricd  

Este poema non estaba na entrada orixinal, é un comentario dun amigo, pero gustoume tanto que quero que todos o poidan disfrutar.
Gracias  Deícar.

Outono na area de lecer da Ponte Segade

2ª Xornada de Inspección do río Sor.

Hoxe Nordés, a Asociación de Desenvolvemento das Terras da Faladora, xunto coa Asociación Cultural "O Son do Sor" organizan unha actividade no maravilloso entorno do río Sor, concretamente no lugar da Ponte Segade (Mañón) e con hora de comenzo ás 11 da mañá.
A devandita actividade consiste nunha ruta interpretativa guiada por Antonio Martínez, técnico en xestión e organización dos recursos naturais, co obxectivo de que os asistentes coñezan, ou escomencen a coñecer, as diferentes especies de árbores e prantas que se poden atopar polo entorno.
Despois do xantar, que será na zoa recreativa da mesma Ponte Segade, procederase á inspección do río Sor, 2ª que se fai dentro da campaña de primaveira do Proxecto Ríos, no cal Nordés inscribiu a este río para saber da súa situación actual e, si fose necesario por conta de atoparse algún problema, plantexar medidas correctoras.
A inspección estará nesta ocasión dirixida por Efi Penabade, bióloga, monitora do Proxecto Ríos é, coma Antonio Martínez, membros de Nordés.

As carballeiras do río Sor

A vella, fermosa carballeira,

pon en nós un inquedo

tremor respetuoso:

cada carballo é un ser vivo

que canta, sofre e ama.

A súa sombra é un enigma

no que non podemos penetrar

doadamente. E a súa voz,

rouca e cambiante, ten

un tremor escuro de salmodia.

¿Qué mensaxe nos quere transmitir

o seu canto humano e vexetal?

                                   Manuel María

Area de lecer da Ponte Segade 

Vista do Val de Segade dende o Concello do Vicedo

 Sendeiros do Rio Sor

A Ponte Segade

A Ponte Segade